* இருளும் ஒளியுமாய் அருளும் இறைவா...
நீ படைத்திட்ட மனிதனின் படைப்பில்
சாதி என்றொரு சாத்தான் உண்டு...
* செத்தப் பிணங்களை செரித்து வாழும் நாங்கள்
வெறும் சதைப் பிண்டமாய் அவன் கரம் புகுந்தோம்...
* வேற்றுமை எனும் வேலிகள் பூட்டினோம்...
மனிதம் மறந்த மரக்கட்டைகளாகினோம்...
அரசியலெனும் நச்சு மரம் தழைத்தோங்க
சாதிச் சாக்கடையை அதன் வேர் பாய்ச்சினோம்...
* உடல் கொடுத்தாய்...
உயிர் கொடுத்தாய்...
சிந்தனை செய்யும் திறம் கொடுத்தாய்....
ஆயினும் ஆக்க வழிகள் அனைத்தும் மறந்து
சவக்குழிகளை சரி செய்து கொண்டோம்...
* சாதி அரசியல் நடக்கும் இந்த சமுகத்தில்
வேடிக்கை பார்பதை மட்டும் வேலையென செய்தோம்....
* புற்றீசலாய் தினம் புதுப்புதுக் கட்சிகள்...
புதுப்புதுத் தலைவர்கள்....
சாதிச் சாயம் பூசிக் கொண்ட அவைகளின் பின்னே
சவங்களாய் கோஷம் எழுப்பினோம்...
* "சாதிகள் இல்லையடி பாப்பா"...
சாதிச் சான்றிதழ் சமர்ப்பித்த பின்னே
இந்த வரிகளை பள்ளியில் வாசித்து முடித்தோம்...
* என்ன செய்வது...
அதிகாரம் கொண்ட அரசாங்கமே
சாதி அகழிகளை ஆதரிக்கும் பொழுது....
* பிரபஞ்சம் படைத்த இறைவா...
பிணியாய் எங்களை வதைக்கும்
பிரிவினைகள் களைவாயா...?
Comments
Post a Comment